Structuras chantunalas da scola

Structuras chantunalas da scola e purschida da furmaziun

Las suandantas preschentaziuns sa basan sin la preschentaziun dal sistem da furmaziun da la Svizra. Ellas mussan las structuras chantunalas da scola e la purschida da furmaziun ch'èn actualas en ils chantuns. Las preschentaziuns sa fundan sin las basas legalas chantunalas ed èn vegnidas elavuradas en collavuraziun cun ils departaments chantunals d'educaziun resp. da furmaziun.

Scola obligatorica: Las differenzas existan actualmain en il sectur prescolar ("scolina") cun ina purschida dad 1, 2 u 3 onns. En 21 chantuns dura la scola primara sis onns ed il stgalim secundar I 3 onns. 5 chantuns enconuschan in'autra structura (5/4 u 4/5). En il rom dal concordat HarmoS è previsa in'adattaziun.

Sectur postobligatoric:  En il sectur postobligatoric sa basan las purschidas da furmaziun per gronda part sin directivas naziunalas. I dat dentant differenzas chantunalas tar la purschida (p.ex. scolas medias professiunalas, scolas da maturitad spezialisada).

Ulteriuras infurmaziuns survegnis Vus da l'enquista chantunala 2009/2010 u sin la pagina d'internet dals departaments chantunals d'educaziun resp. da furmaziun.

Tut las preschentaziuns vegnan messas en relaziun cun il ISCED (International Standard Classification of Education). Quai permetta da preschentar e da cumparegliar ils stgalims da furmaziun internaziunals.

Cliccai sin in chantun per chattar la pagina correspundenta.
Cliccai qua, sche Vus vulais selecziunar tut las preschentaziuns graficas en ina.